PISCATORII Ludi

PISCATORII Ludi

peragi Romae soliti 7. Id. Iunii, fiebant trans Tiberim quotnnis, ut Festus scribit, a Praetore urbano, pro Piscatoribus Tiberinis, quorum quaestus non in macellum pervenit, sed fere in aream Volcani, quod in genus pisciculorum vivorum daretur ei Deo, pro animis bumanis. Ioh. Rosin. Antiqq. Rom. l. 4. c. 10. In campo, Ovidio, Fastor. l. 6. v. 235.

Tertia post Nonas remorvêre Lycaona Phoebe

Fertur: et a tergo non habet Ursa metum.

Tunc ego me meini ludos in gramine Campi

Aspicere: et didici lubrice Tybri, tuos.

Festa dies illis, qui lina madentia ducunt,

Quique tegunt parvis aera recurva cibis, etc.

Alias Pan. Piscarterum quoque Numen fuit: unde in Graecorum Epigramm. nihil frequentius, quam facta huic Deo ab istiusmodi hominum genere vota, de quibus et Zosimus Thasius alicubi, πρὸς νηῷ Πανὸς ἔθεντο λίνα, ad templum Panis suspenderunt retia, felicis nempe capturae causâ. Apud Romanos Piscatores servi erant, qui piscabantur, memorati Scaevolae, leg. 27. ff. de instr. vel instrum. leg. Marciano leg. 65. ff. de eleg. 3. Ciceroni Officiorum, l. 3. etc. Hinc Valerinaus Imperator apud Treb. Pollionem, c. 14. Zosimioni, Procuratori Syriae, scribens, inter coetera, quae vult dari Claudio tunc Tribuno, memorat Venatores qui obsequantur duos, Carpentarium unum, curam Praetorii unum, aquarium unum, Piscatorem, unum, Dulciarium unum. Eorum tessera arundo fuit. Ovid. Metam. l. 14. v. 651.

Miles erat gladiô. Piscator arundine sumptâ.

Etiam Piscatui Praepositos habebant, quando togati illi Xerxes montium perforssores et populatores marium, Magistris et Nomenclatoribus, in piscium gratiam, carere noluerunt. Martialis, l. 10. Epigr. 30. v. 22.

Natat ad Magistrum delicata muraena:

Nomenclator mugilem citat notum,

Et adesse iussi prodeunt senes mulli.

Vide Laur. Pignorium, Comm. de servis et supra halieuticum boletar: uti de Piscariis Legib. Atheniensium supra voce Opsonomi. De Venatione Piscaria supersunt Ἁλιευτικὰ Oppiani, sed ante eum multi de ea alii scripsêre: in his Leonodis Byzantius metrodori Byzantii, viri Piscatoriae rei intelligentissimi, filius, quem et ipsum de re Piscatoria scripsisse, auctor est Aelianus de Animal. l. 17. c. ult. Meminit et eius Eiusdem Oper. l. 12. c. 42. Item l. 2. c. 6. ubi historiolam affert, de Delphino et puero: item l. eiusdem c. 50. ubi

quiddam narrat de interitu miseri hominis, qui pastinacam piscem esset suffuratus. Quod ex eodem Leonide memorat Michael Apostolius, Cent. 19. Prov. 61. Etiam Tzetzes, Chil. 4. Histor. 128. quatuor istos coniungit, Aelianum, Oppianum, Leonidem et Timotheum Gazaeum, quos Animalium ait Historiam scripsisse Gerh. Ioh. Vossius de Philosophia c. 7. §. 9. De margaritarum, supra voce Margaritarii; de mugilum Piscatione, quam homines initâ cum delphinis societate obeunt, vide Plin. l. 9. c. 8.